2026 ОНД ХЭРЭГЖИХ ПРОФЕССОР, БАГШ АЖИЛТНЫ САНААЧЛАГАТАЙ ТӨСЛИЙН УРАЛДААНД ШАЛГАРСАН БАГУУДАД БАТЛАМЖ ГАРДУУЛЛАА

Багш ажилтны бүтээлч санал, санаачилгыг дэмжих, шинэлэг санаа бүхий төсөл, хөтөлбөрийг хөгжүүлэх зорилгоор жил бүр зохион байгуулдаг “ПРОФЕССОР, БАГШ АЖИЛТНЫ САНААЧЛАГАТАЙ” төслийн уралдааны шалгаруулалт амжилттай зохион байгуулагдаж нийт 19 төсөл материалаа ирүүлсэнээс 201.2 сая төгрөгийн төсөвт өртөгтэй 8 төслийг шалгаруулж шалгарсан багуудад батламж гардууллаа.

Шалгарсан төслүүд:

Бүжгийн урлагийн сургууль - “Жороон жороо бүжиг, Ёслол хүндэтгэлийн иж бүрэн хувцас” төсөл

Дүрслэх урлагийн академи - “Химийн бодисын аюулгүй хэрэглээ, стандарт хангасан сургалтын орчныг бүрдүүлэх” төсөл

Дүрслэх урлагийн академи - “Вэб сайт, элсэлтийн программ ба виртуал галерей” төсөл

Соёл, урлаг судлалын хүрээлэн - “Монгол дахь хуур төрөлт хөгжмийн зэмсгийн судалгаа” төсөл

Кино, телевиз, медиа урлагийн сургууль - “Цахим сургалтын Canvas1, Ginailly2 аппликейшнийг ашиглан цахим хичээл боловсруулан, сургалтад ашиглах” төсөл

Соёлын сургууль - “Нэг соёл, нэг дүр” төсөл

Театрын урлагийн сургууль - “Фитцмариусын дуу хоолойн аргачлалыг онол, практикийн түвшинд гүнзгий ойлгох, сургалтын арга технологийг шинэ түвшинд гаргах” төсөл

Хөгжмийн урлагийн сургууль - Цэн.Эрдэнэтийн “Эгэл жирийн юм бүхэн” номонд багтсан бүтээлүүдийн сургалт, судалгаа, уран бүтээлд ашиглах төсөл

Профессор, багш ажилтны санаачилгатай төслийн уралдаанд шалгарсан нийт төслийн баг хамт олон, багш нарт баяр хүргэж, цаашдын судалгаа уран бүтээл, төслийн ажилд нь амжилт хүсье.

 ОЮУТНЫ ХӨГЖИЛ ХӨТӨЛБӨРИЙН ХҮРЭЭНД ЗАРЛАГДСАН

“БҮТЭЭЛЧ ОЮУТАН–VIII” ТӨСЛИЙН УРАЛДААНД ШАЛГАРСАН БАГУУДАД БАТЛАМЖ ГАРДУУЛЛАА

Оюутны бүтээлч санал, санаачилгыг дэмжих, шинэлэг санаа бүхий төсөл, хөтөлбөрийг хөгжүүлэх зорилгоор жил бүр зохион байгуулдаг “БҮТЭЭЛЧ ОЮУТАН” төслийн уралдааны шалгаруулалт амжилттай зохион байгуулагдаж, шалгарсан багуудад батламж гардууллаа.

Шалгарсан төслүүд:

Бүжгийн урлагийн сургууль – “Щелкунчик” төсөл

Дүрслэх урлагийн академи – “ReWear Project – Хувцас бүрд шинэ амь” төсөл

Ерөнхий боловсролын ахлах сургууль – “Дулаахан урлан” төсөл

Кино, телевиз, медиа урлагийн сургууль – “Сургалтын орчин сайжруулах” төсөл

Соёлын сургууль – “Оюуны өмч – Ирээдүйн хөрөнгө” төсөл

Театрын урлагийн сургууль – “Ид шидийн тайз” оюутны гарааны компанийн төсөл

Хөгжмийн урлагийн сургууль – “Цөөхүүл чуулга ба Соёлын наадам-2026” төсөл

Оюутны санаачилгатай төслийн уралдаанд шалгарсан нийт төслийн баг хамт олон, зөвлөх багш нарт баяр хүргэж, цаашдын сургалт, судалгаа, уран бүтээл, төслийн ажилд нь амжилт хүсье.

СУИС-ийн Бүжгийн урлагийн сургууль

Дүрслэх урлагийн академи

СУИС-ийн Кино, Телевиз Медиа Урлагийн сургууль MNUAC

СУИС-ийн Соёлын сургууль

СУИС-ийн Театрын урлагийн сургууль

СУИС-Хөгжмийн урлагийн сургууль

 Соёл, урлагийн Маркетингийн V олимпиад болоход ердөө 4-хөн хоног үлдлээ…

https://www.facebook.com/reel/26477083911944402

 

Манай залуус "Соёл, урлагийн Маркетингийн V олимпиад"-ын өмнөх бие халаалтаа хийхэд бэлэн боллоо.

Та бүгдийг гал асах "Дайралцаан"-д хүрэлцэн ирж багийн гишүүнээ дэмжихийг урьж байна

Хаана: СУИС Соёлын сургууль 223 тоот

Хэзээ: 2026.04.18-ны 13:00 цагаас

 МАРКЕТИНГИЙН ОЛМПИАДЫН БЭЛТГЭЛ ҮРГЭЛЖИЛСЭЭР........

https://www.facebook.com/reel/3893141644326776

 ЭРДМИЙН ШУВУУ-2026  ОЮУТНЫ ЭРДЭМ ШИНЖИЛГЭЭНИЙ ХУРАЛД СУИС-СОЁЛЫН СУРГУУЛЬ МЕНЕЖМЕНТИЙН 4-Р КУРСЫН ОЮУТАН Б.ЦОЛМОН АМЖИЛТТАЙ ОРОЛЦОЖ ТУСГАЙ БАЙРАНД ШАЛГАРЛАА. ХАЛУУН БАЯР ХҮРГЭЕ. УДИРДСАН БАГШ: МАГ, ТМЗ П.АРВИНБАЯР

ШУТИС-ийн оюутны “Эрдмийн XXV чуулган”, “Эрдмийн шувуу” цомын төлөөх эдийн засаг, бизнесийн удирдлага, менежментийн салбар XXIII бага хурал боллоо

Монгол улсын гавьяат багш, доктор (Ph.D), профессор Х.Пүрэвдагва, Залуу судлаачдыг дэмжих сангийн тэргүүн, ШУТИС-ийн хүндэт профессор Д.Жаргалсайхан нарын санаачилсан “Эрдмийн шувуу” цомын төлөөх оюутны эрдэм шинжилгээний XXIII бага хурал 2026 оны 03 сарын 27-аасс 04- сарын 10-ны өдрүүдэд 2 үе шаттайгаар амжилттай зохион байгуулагдаж өндөрлөлөө.

Тус хурал нь оюутан, залуу судлаачдыг судалгаа шинжилгээний ажилд системтэйгээр дадлагажуулж, практик туршлага олгох замаар бие даан шийдвэр гаргах чадварыг төлөвшүүлж, бүтээлч сэтгэлгээг хөгжүүлэх зорилготой Монгол улсын их сургуулийн оюутнуудын дунд эдийн засаг, менежментийн чиглэлээр зохион байгуулагддаг. 23 дахь жилдээ зохион байгуулагдаж буй  “Эрдмийн шувуу” цомын төлөөх эрдэм шинжилгээний бага хурал нь “БАЙГУУЛЛАГЫН ӨРСӨЛДӨХ ЧАДВАР” (сургалт, судалгаа) сэдвийн хүрээнд болж байгаагаар онцлог юм.

Зураг 1. “ЭРДМИЙН ШУВУУ” эрдэм шинжилгээний хурал

ШУТИС-ийн оюутны “ЭРДМИЙН XXV ЧУУЛГАН”, “ЭРДМИЙН ШУВУУ” цомын төлөөх оюутны эрдэм шинжилгээний XXIII бага хуралд ШУТИС-ийн Менежментийн сургууль, ШУТИС-ийн Хэрэглээний шинжлэх ухааны сургууль, ХААИС-ийн Эдийн засаг бизнесийн сургууль, Санхүү эдийн засгийн сургууль, СУИС-ийн Соёлын сургууль, Мандах их сургуулийн 36 илтгэгч оюутны 25 өгүүллийг I шатны комиссын бүрэлдэхүүн шүүлт хийснээр II шатанд 10 өгүүлэл шалгаруулсан. II шатны шалгаруулалтаар шилдэг илтгэлийг 2026 оны  оны 4 дүгээр сарын 10-ны өдөр ШУТИС-ийн V байрны 4 давхарт эрдмийн зөвлөлийн танхимд зохион байгуулагдаж шилдгүүдээ тодруулсан.

Зураг 2. Эрдэм шинжилгээний хурлын шүүгчид болон илтгэгчид

  

Зураг 3. Эрдэм шинжилгээний хурлын илтгэгчид

“ЭРДМИЙН XXIII ЧУУЛГАН”, “ЭРДМИЙН ШУВУУ” цомын төлөөх оюутны эрдэм шинжилгээний XXIII бага хурлын шалгаруулалтын дүн

№	Оюутан	Сэдэв	Сургууль	Удирдагч багш
ТЭРГҮҮН БАЙР
1	Э.Отгогчимэг	Төгсөгчийн ажил сонголтод ажил олгогчийн брэнд нөлөөлөх нь	ШУТИС. МС	Магистр Ч.Нямбаяр
ДЭД БАЙР
2	Ч.Доржпүрэв, Ч.Мөнхдалай, Ж.Мишээл	Ногоон тархи угаалт нь байгууллагын өрсөлдөх чадварт нөлөөлөх нөлөөллийг тодорхойлох судалгаа	СЭЗИС	Магистр  Б.Баярцэцэг
ГУТГААР БАЙР
3	С.Амарзаяа, Э.Оюунжаргал	Монгол улсын уул уурхайн салбарын өрсөлдөх чадварт нөлөөлөх хүчин зүйлсийн судалгаа	ШУТИС. МС	док (Ph.D)., проф.  Ж.Ганчимэг
ТУСГАЙ БАЙР
4	Х.Нямдорж	Монгол банкны зах зээл ба гадаадын банкны нэвтрэлт зээлийн хүүд үзүүлэх нөлөө	ШУТИС. МС	Доктор(PhD) Д.Баярмаа
5	А.Түвшинбаяр	Хөрөнгө оруулалтын төслийн үр ашгийн шинжилгээнд үндэслэн байгууллагын өрсөлдөх чадварыг нэмэгдүүлэх нь	ХААИС. ЭЗБС	Магистр С.Баасансүрэн
6	Н.Лхам-Осоржин	Удирдах ажилтны манлайлалын арга барил байгууллагын өрсөлдөх чадварт нөлөөлөх нь	ШУТИС. МС	Магистр Д.Ариунжаргал
7	Б.Цолмон	Байгууллагын санхүүгийн өрсөлдөх чадварт хийсэн шинжилгээ	СУИС. Соёлын сургууль	Магистр, ТМЗ П.Арвинбаяр
8	М.Нарансолонго М.Бүрэнжаргал	Дижитал хуримтлал, өөрийгөө илэрхийлэх хандлага ба нийгмийн харьцуулалтаар дамжих мэдээллийн хэт ачааллын суралцах стрессэд үзүүлэх нөлөө	ШУТИС. МС	док (Ph.D)., дэд Х.Ариунаа
9	Г.Солонго	Малчин өрхийг дижитал шилжилтэнд нэвтрүүлэх судалгаа	ХААИС. ЭЗБС	Доктор (Ph.D) Ж.Мөнхбат
10	Б.Халиунаа А.Амартайван	Ажилтны сайн сайхан байдал байгууллагын өрсөлдөх чадварт нөлөөлөх нь	ШУТИС. МС	Магистр Г.Тунгалагтуяа

Зураг 4. Тэргүүн байрын шагналт ХНМ-ийн IV курсын оюутан Э.Отгончимэг

Зураг Тусгай байранд шалгарсан илтгэгчид

Оюутан залуусын сурч хөгжих, шинийг эрэлхийлэх үйлсийг байнга дэмжин, хамтран ажилладаг ШУТИС-ийн Оюутны үйлчилгээний алба, ШУТИС-ийн менежментийн сургуулийн хамт олондоо талархал илэрхийлье.

ЭРДЭМ ШИНЖИЛГЭЭНИЙ ХУРАЛ ЗОХИОН БАЙГУУЛАХ КОМИСС