СУИС-Соёлын сургуулийн Соёлын үйлдвэрлэлийн тэнхимээс зохион байгуулж байгаа Соёл, урлагийн менежментийн VI олимпиадын нэгдүгээр шатны шалгаруулалт өндөрлөлөө. 

 Соёлын үйлдвэрлэлийн тэнхимийн Эрхлэгч Док (Ph.D), Дэд проф М.Гэрэлмаа багшийн ярилцлага нийтлэгдлээ. 

https://www.youtube.com/watch?v=sY-bfgEq90o

 СУИС, Соёлын сургуулийн Соёлын үйлдвэрлэлийн тэнхимийн хөтөлбөрүүд үндэсний хэмжээнд магадлан итгэмжлүүлж, гэрчилгээгээ хүлээн авлаа.

- МЕНЕЖМЕНТ (D041302): Менежмент, Эвент (шоу) менежмент, Хүний нөөцийн менежмент, Соёлын менежмент;
- МАРКЕТИНГ (D041401): Маркетинг, Дижитал маркетинг, Реклам сурталчилгаа, Соёлын худалдаа;

 СУИС-Соёлын сургуулийн Соёлын үйлдвэрлэлийн тэнхимийн Менежмент, Маркетинг хөтөлбөр магадлан итгэмжлэлд орж өөрийн үнэлгээний тайлангаа бичиж БҮМИЗ-д хүргүүлсэн билээ. Боловсролын Магадалан Итгэмжлэлийн Үндэсний Зөвлөлийн Шинжээчийн баг 2022.06.02-03-ны өдрүүдэд Соёлын сургууль дээр ажиллаа. 

 Жил бүр зохион байгуллагаддаг  "СОЁЛЫН БҮТЭЭЛЧ ҮЙЛДВЭРЛЭЛ-2022" эрдэм шинжилгээний хурал зохион байгуулагдаж байна. та бүхнийг урьж байна. 

 СОЁЛЫН СУРГУУЛИЙН ЭЛСЭЛТИЙН МЭДЭЭЛЭЛ АВАХ БОЛОМЖТОЙ БАГШ НАР БОЛОН LIVE STREAM ХУВААРЬ

 “СОЁЛЫН БОДЛОГО БА СОЁЛЫН БҮТЭЭЛЧ ҮЙЛДВЭРЛЭЛ”

ЭРДЭМ ШИНЖИЛГЭЭНИЙ ХУРАЛД УРЬЖ БАЙНА

Хурлын зорилго: Соёлын хамтын ажиллагаа, нийгмийн түншлэлийн хүрээнд соёлын бодлого боловсруулагчид, хэрэгжүүлэгчид, соёл, урлагийн байгууллагын ажиллагчдад “Монгол төрийн соёлын бодлогын хэрэгжилтийг үнэлэх, сайжруулах арга” төслийн хүрээнд хийгдсэн судалгаа, боловсруулалтын ажлын үр дүнгээс танилцуулах, харилцан санал солилцох, хамтын ажиллагааг эрчимжүүлэх юм.

Хугацаа: 2022.03.03 (Пүрэв)-ны 09:30 цагаас

 Соёлын яамны захиалгаар Соёл урлагийн их сургууль сургалт зохион байгууллаа.

Соёлын ажилтнуудыг кредит тооцох сургалтад хамруулна

“Соёлын бүтээлч сар”-ын хүрээнд анх удаа Монгол Улс даяарх соёлын төв, соёлын ордны албан хаагчдын мэргэжил дээшлүүлэх сургалтыг энэ сарын 8-12-ны өдрүүдэд  амжилттай зохион байгуулалаа.

Мэргэжил дээшлүүлэх сургалт нь кредит тооцох богино хугацааны сургалт бөгөөд соёлын ажилтнуудыг нэгэн зэрэг тэгш боломжоор хангах анхны тэтгэлэгт сургалт юм.

Сургалтыг Соёлын яамны захиалгаар Соёл, урлагийн их сургуулийн бүрэлдэхүүн Соёлын сургууль, Хөгжим урлагийн сургууль, Бүжгийн урлагийн сургууль хамтран зохион байгуулна.

Сургалтад, соёлын төв, соёлын ордны дарга, номын санч, соёлын өв-орон нутаг судлах танхимын ажилтан, хөгжмийн багш, бүжгийн багш зэрэг 1500 орчим албан хаагч оролцлоо.

#соёлынбүтээлчсар

 

 Сайн байцгаана уу багш нараа? СУИС-с зохион байгуулж байгаа “Шинэ санааны уралдаан”-нд оролцоорой. Багш нарын маань хүсдэг СУИС, та нарын минь мөрөөдөл юу вэ? Бичээд л шалгаараад л 500000 төгрөгийн урамшуулалтай.Соёлын үйлдвэрлэлийн тэнхимийн нийт багш оюутнуудыг өргөнөөр хамрагдахыг урьж байна. 

СУИС-ийн нийт оюутан суралцагч, төгсөгч, багш, ажилтны дунд ШИНЭ САНААНЫ УРАЛДААН зарлаж байна

Шинэ санаагаа цахимаар өгөх бол доорх маягтыг бөглөж илгээнэ үү.

https://forms.gle/dKavr4DudsHdCeCs7

Танд амжилт хүсье

 

 СУИС-Соёлын сургуулийн гадаад хэлний институтээс солонгос хэлний сургалт зарлагдсан байна. Соёлын үйлдвэрлэлийн тэнхимийн багш нар өргөнөөр хамрагдахыг урьж байна.

 

 

Дээд боловсролын багшийн хөгжлийн алба

  ·

"ХӨТӨЛБӨРИЙН ХӨГЖИЛД БАГШИЙН МАНЛАЙЛЛЫН ҮҮРЭГ" СЭДЭВТ ЦАХИМ ХЭЛЭЛЦҮҮЛЭГТ ОРОЛЦОХЫГ УРЬЖ БАЙНА

БШУЯ-ны харьяа Багшийн мэргэжил дээшлүүлэх институтийн Дээд боловсролын багшийн хөгжлийн албаны "SCIENCE" цуврал хэлэлцүүлгийн энэ удаагийн цувралыг Хөдөө Аж Ахуйн Их Сургуультай хамтран зохион байгуулж байна.

Сэдэв: "Хөтөлбөрийн хөгжилд багшийн манлайллын үүрэг"

Илтгэгч: ХААИС-ийн Сургалт эрхэлсэн дэд захирал, доктор(Ph.D) Р.Чанцалдулам, ХААИС-ийн Багшийн хөгжлийн хөтөлбөр хариуцсан мэргэжилтэн, доктор(Ph.D) А.Алтанзул

Модератор: БМДИ-ийн Дээд боловсролын багшийн хөгжлийн албаны дарга Б.Лхагвабаяр

Хугацаа: "2022 оны 01 сарын 21-ний өдрийн 14:00-16:00 цагт"

Хамрах хүрээ: "Их, дээд сургуулийн багш, ажилтан, удирдлага зэрэг дээд боловсролын салбарт ажилладаг сонирхсон хүн бүрд нээлттэй."

Хэлэлцүүлэг болох платформ: "Microsoft Teams" болон Их дээд сургуулиудын профессор багш нар фэйсбүүк группэд LIVE явагдана.

Бүртгүүлэх холбоос: https://bit.ly/3zHAPZD

Хэлэлцүүлгийн талаар тодруулах зүйл, санал хүсэлтээ bmdi@itpd.mn цахим хаягаар болон 70140052 утаснаас лавлах боломжтой.

#БАЯРЛАЛАА

 

Соёлын үйлдвэрлэлийн тэнхимийн багш нарыг өргөнөөр хамрагдахыг урьж байна.

 СУИС-Соёлын сургуулийн 2021-2022 оны хичээлийн жилийн багш оюутны эрдэм шинжилгээний хуралын зар гарлаа. Соёлын үйлдвэрлэлийн тэнхимийн нийт багш, оюутнуудад эрдэм судлалын ажилд өндөр амжилт хүсэе. 

 Монгол Улсын ерөнхийлөгч У.Хүрэлсүхийн санаачлагаар "ТЭР БУМ" мод тарих үндэсний хөдөлгөөнд СУИС-СС-ийн Соёлын үйлдвэрлэлийн тэнхимийн хамт олон нэгдэж 2021.10.09-нд 36 мод тарьлаа.

 

СУИС-СС-ийн Соёлын үйлдвэрлэлийн тэнхимийн багш ШУ-ны Доктор Н.Содномдорж багш маань “Монгол Улсын гавьяат багш” хэмээх эрхэм хүндэт цолоор шагнууллаа. Багш маань дээд боловсролын салбарт 40 жил ажиллаж олон мянгаар тоологдох шавь нар нь Монгол улсын өнцөг булан бүрт хувь нэмрээ оруулсаар байна. Тандаа халуун баяр хүргэе.

 Монголын Шинжилэх Ухааны Академийн 100 жилийн ойн хүрээнд зохион байгуулсан, эдийн засгийн шинжлэх ухааны доктор (Sc.D), профессор, Монгол Улсын гавьяат эдийн засагч Хонгорууд овогтой Гомбодоржийн БАТХҮРЭЛ-ийн нэрэмжит "МЕНЕЖМЕНТ БА ҮНДЭСНИЙ ХӨГЖЛИЙН ТУЛГАМДСАН АСУУДАЛ" сэдэвт шилдэг илтгэлийн уралдаан, эрдэм шинжилгээний бага хуралд СУИС-СС-ИЙН СОЁЛЫН ҮЙЛДВЭРЛЭЛИЙН ТЭНХИМИЙН БАГШ Н.ТУУЛ, Г.МАРАЛМАА нар амжилттай оролцож тусгай байр эзэллээ.  2021.10.29  Багш нартаа тэнхимийн хамт олны зүгээс эрдэм судлалын ажилд нь өндөр амжилт хүсэе.

 Соёлын үйлдвэрлэлийн тэнхим 2021 оны СУИС-ийн шилдэг тэнхимээр шалгарлаа. Тэнхимийн хамт олондоо халуун баяр хүргэе. 2021.10.05